Íbúð í fyrsta áfanga Hlíðarhorns, glæsilegri 3-5 hæða nýbygging með 10 stigahúsum sem mynda hring um opinn innri garð. Staðsett í póstnúmeri 102, á jaðri Hlíðahverfis og Þingholta, við fætur Öskjuhlíðar. Öll helsta þjónusta í göngu/hjólafæri. Byggingin er staðsteypt, einangruð og klædd með mismunandi lituðum álklæðningum og bambus, með gluggum úr ál/við. Allar íbúðir eru fullloftræstar. Innréttingarþema íbúðar er Mjöll 2.

Rúmgott alrými með eldhúsi og stofu/borðstofu í opnu rými með útgengi á suðursvalir.

Ljós eldhúsinnrétting með eyju. Ljósyrjóttur quartz-steinn á borðum og milli skápa. Blöndunartæki úr burstuðu stáli. Gæðaraftæki frá Siemens.

Rúmgott hjónaherbergi með góðum fataskápum. Bjart og rúmgott svefnherbergi með fataskáp.

Með 'walk-in' sturtu með hertu gleri, handklæðaofni og upphengdu salerni. Leirljósar steinflísar á gólfi og veggjum, ljós innrétting og speglaskápur með lýsingu. Blöndunartæki úr burstuðu stáli.

Þvottaherbergi með ljósri innréttingu, leirljósum gólfflísum og vaski. Tengi fyrir þvottavél og þurrkara í vinnuhæð í innréttingu.

Góður fataskápur í anddyri. Sérgeymsla í kjallara merkt 0034 (7,1 fm).

Sameiginlegar hjóla- og vagnageymslur og bílakjallari með fyrirkomulagi samnýtingar þar sem íbúar hafa forgang.

Opinn innri garð í kringum bygginguna. Hver íbúð er með svölum, þaksvölum eða sérafnotareit í innri garði.

Suðursvalir með útgengi úr alrýminu.

Sameiginlegur opinn innri garður. Sameiginlegar hjóla- og vagnageymslur og bílakjallari.

Gæðaraftæki frá Siemens í eldhúsi. Tengi fyrir þvottavél og þurrkara í þvottaherbergi. Handklæðaofn í baðherbergi.