Hvernig er best að greiða niður lánin?
Hvernig virkar Innborgunarbestun?
- Veldu þau lán sem þú ætlar að greiða inn á.
- Veldu tegund aukagreiðslu, hvort sem hún er stök, mánaðarleg eða föst heildargreiðsla.
- Veldu þér markmið þegar kemur að sparnaði.
- Við reiknum út og sýnum þér bestu leiðina til að greiða niður lánin.
Þegar þú ert með fleiri en eitt lán
Mörg heimili eru með fleiri en eitt lán, til dæmis húsnæðislán, bílalán og önnur neyslulán.
Þegar um fleiri en eitt lán er að ræða er ekki alltaf hagkvæmast að byrja á láninu með hæstu vextina eða lægsta höfuðstólinn. Innborgunarbestun Aurbjargar greinir öll lánin í heild, raðar eftir stærðfræðilegum niðurstöðum bestunarfræða og fylgir því engum gömlum þumalputtareglum.
Hvað færð þú út úr Innborgunarbestun?
Innborgunarbestun sýnir þér svart á hvítu hvernig best er að forgangsraða aukagreiðslum og hvað það skilar þér:
- Hvaða lán fyrst: Hvaða lán borgar sig að greiða aukalega inn á fyrst.
- Röð greiðslna: Í hvaða röð best er að greiða niður lánin þín.
- Árleg ávöxtun: Hvaða árlegri ávöxtun greiðslurnar jafngilda.
- Áhrif á lánstíma: Hversu mikið þú styttir heildarlánstímann.
- Nákvæm greiðsluáætlun.
- Þróun höfuðstóls og greiðslubyrðar yfir tímann.
- Myndrænar niðurstöður sem sýna þróun höfuðstóls, vaxta og eftirstöðva með og án innborgunar.
Hámarkaðu heildarsparnað eða núvirtan sparnað
Þú velur hvort þú hámarkar þínar aukagreiðslur með tilliti til heildarsparnaðar eða núvirts sparnaðar.
Þegar þú hámarkar heildarsparnað hámarkar þú þann heildar vaxtakostnað sem sparast yfir allan lánstímann.
Þegar þú hámarkar núvirtan sparnað hámarkar þú virði framtíðarsparnaðar miðað við verðgildi dagsins í dag.
Berðu saman mismunandi innborgunarleiðir
Á að byrja að greiða niður lánið með hæstu vextina, lægsta höfuðstólinn eða fara Aurbjargar leiðina?
Margir styðjast við snjóflóða- eða snjóboltaleiðina þegar þeir greiða niður skuldir. Innborgunarbestun Aurbjargar ber þessar leiðir saman við Aurbjargarleiðina og sýnir þér skýrt hvaða leið skilar mestum ávinningi.
