Skektuvogur 2 - 0401, 104 Reykjavík

ÞG Verk og Borgir fasteignasala kynna til sölu glæsilegar íbúðir í nýbyggingu að Skektuvogi 2 í Vogabyggð.  Íbúðir frá 50,3 til 143,6 fermetrar. Miðsvæðis á höfuðborgarsvæðinu. Stutt í allskonar þjónustu. Steinsnar frá útivistarsvæði.  Stæði í bílakjallara fylgja flestum íbúðum. Íbúðum verður skilað fullbúnum með gólfefnum. Um íbúð 401:  124,5 fm þriggja herbergja íbúð á 4. hæð. Íbúð 105,9 fm og geymsla 18,6 fm. Suður svalir. Íbúðinni fylgir sérmerkt stæði nr. N27 í bílahúsi og sérgeymsla í kjallara. Gólfefni á öllum rýmum fylgja. Innbyggður ísskápur með frysti, uppþvottavél, helluborð og blástursofn í eldhúsi. Almennt um húsið: Skektuvogur er staðsteypt hús, einangrað og klætt að utan sem tryggir að viðhald sé í lágmarki. Stæði í bílakjallara fylgja flestum íbúðum. Stærðir íbúða eru fjölbreyttar, allt frá 50,3 til 143,6 fermetrar. Íbúðirnar eru afhentar fullbúnar með gólfefnum. Ýmist svalir eða sérafnotareitur fylgja íbúðum. Sérgeymsla í kjallara. Í þeim hluta hússins sem er 3 til 5 hæðir eru lyftur. Kynntu þér húsið betur á www.skektuvogur.onno.is/ibudir/skektuvogur-2 Vogabyggð er nýtt hverfi í uppbyggingu þar sem eldra iðnaðarhverfi víkur fyrir nútímalegri byggð fjölbýlishúsa. Hverfið mun tengjast betur Laugarneshverfinu þegar Sæbraut verður lögð í stokk á árunum 2021-2022. Hér er um að ræða skjólsæla perlu á höfuðborgarsvæðinu í nálægð við hafið og náttúruna. Hjóla- og göngustígar liggja rétt hjá meðfram ströndinni sem og upp í Elliðaárdal. Einnig er Laugardalurinn innan seilingar. Steinsnar frá Vogabyggðinni við Elliðaárnar er að finna eitt besta útivistarsvæði borgarinnar og nær allt frá Elliðaárósum upp að Elliðavatni. Á svæðinu er fjöldi göngu- og hjólastíga. Í skógi vöxnum dalnum er að finna gott skjól í rjóðrum og tilvalið að fara lautarferð. Skilalýsing: Íbúðum verður skilað fullbúnum með gólfefnum.  Gólf á baðherbergjum og í þvottahúsum eru flísalögð en önnur gólf með harðparketi, gólflistar eru límdir og/eða negldir. Innveggir aðrir en steyptir eru úr hleðslustein.  Einfalt gifs verður í loftum þar sem þau eru niðurtekin. Veggir og loft innan íbúða eru spartlaðir og málaðir í ljósum lit. Handklæðaofnar eru á  flestum baðherbergjum. Vélræn loftræsting (útsog) er í rýmum skv. hönnunargögnum þar sem við á en annars verður um „náttúrulega“ loftræstingu að ræða (opnanleg fög). Lofttúður í íbúðum eru í gegnum útveggi. Í baðherbergjum, þvottaherbergi og eldhúsi er einn rakaheldur ljósakúpull í hverju rými, í öðrum rýmum eru ljósastæði (án kúpla). Slökkvitæki og reykskynjari fylgir hverri íbúð. Dyrasími er í öllum íbúðum. Innihurðir eru vandaðar yfirfeldar og eru hurðastopparar í gólfi eða skellibólur á veggjum eftir því sem best hentar. Baðherbergis- og þvottahúsgólf eru flísalögð sem og veggir inni í sturtu en aðrir veggir málaðir í ljósum lit. Salernisskálar eru upphengdar LAUFEN skálar með innbyggðum vatnskassa í vegg. Sturtur eru með flísalögðum botni og hertu sturtugleri. Þvottahús eru ýmist innan baðherbergja eða í sér rými. Þvottahús eru óinnréttuð með tengingu fyrir þvottavél og þurrkara (ekki útsog fyrir þurrkara). Þar sem þvottahús eru í sér rými eru tengingar fyrir skolvask en vaskur fylgir ekki né önnur tæki. Innréttingar Skektuvogi 2 Innréttingar í eldhúsi og á baði eru frá þýska framleiðandanum Nobilia og fataskápar frá GKS smíðaverkstæði. Innréttingarnar eru með ljúflokun á skúffum og skápum. Skápahurðir eru með silkimattri áferð hvítar eða gráar að lit. Lýsing er undir efriskápum í eldhúsum. Eldhús skilast með tækjum og búnaði frá Electolux, keramik helluborði, blástursofn, innbyggðum ísskáp og uppþvottavél(sjá tækjalýsingu og tækniblöð). Vifta með kolasíu er í innréttingum. Neðri skápar á baði eru ýmist með hillum eða skúffum, efri skápar eru með spegli og lýsingu að ofan. Fataskápar eru ýmist hvítir eða ljósgráir í litaþema íbúðar. Lóðarfrágangur: Húsunum verður skilað fullbúnum með malbikuðum svæðum, hellulögn og túnþökum. Inngangar verða steyptir og/eða hellulagðir. Sameiginleg garð- og leiksvæði verða útfærð í samræmi við lóðarhönnun, tæki eða búnaður fylgir ekki. Þökulögð svæði verða frágengin og gróðurbeð mótuð en gróður fylgir ekki. Það skiptir máli hver byggir fyrir þig. Meginmarkmið ÞG Íbúða efh  er að skila góðu verki og eiga traust og áreiðanleg samskipti við sína viðskiptavini. Kynntu þér gæðatryggingu ÞG Verks www.tgverk.is/gaedakerfi-tgverk. Einungis er hægt að skoða ef pantaður er tími. Aðgangur á öðrum tímum er stranglega bannaður þar sem um byggingarsvæði er að ræða. Breytingar á teikningum eru ekki í boði fyrir kaupendur þar sem efniskaup og allur undirbúningur er skipulagður með margra mánaða fyrirvara. Til að fá nánari upplýsingar um tíma til að skoða íbúðir, má hafa samband beint við Ragnhildi hjá Borgum fasteignasölu í síma 861-1197 eða í tölvupósti  og Ólaf í síma 662-2535 eða í tölvupósti  . Kauptilboð berist Ægi Breiðfjörð á Borgum fasteignasölu. Nánari upplýsingar í síma 588-2030 eða á netfangið . Allar fermetratölur íbúða eru birtar með fyrirvara. Eignaskiptayfirlýsing gildir. Myndir eru af sýningaríbúð. Fletta í fasteignalista