Eignamiðlun kynnir:
Mikið endurnýjað og vel skipulagt einbýlishús á Flötunum í Garðabæ. Húsið er 271,3 fm samkvæmt skráningartöflu. Búið er að endurnýja eldhús og bæði baðherbergi, þar með talið lagnir og frárennsli. Hægt er að hafa fimm svefnherbergi í húsinu. Húsið virðist í góðu standi bæði að utan og að innan, sjá nánar hér að neðan. ***Smelltu hér fyrir söluyfirlit***
Lýsing eignar:Forstofan er nýlega endurnýjuð, flísalögð og með góðum fataskápum. Úr forstofu er gengið inn í parketlagt hol. Út frá holinu er gengið inn í rúmgott 13 fm herbergi.
Stofa og borðstofa eru samliggjandi og rúmgóðar og bjartar með gluggum til suðurs. Fallegur arinn er í setustofunni og þaðan er einnig útgengt í um 25 fm garðskála. Gólf í skálanum voru nýlega endurnýjuð og þá var jafnframt settur gólfhiti. Úr garðskálanum er gengið um stóra rennihurð út á skjólsæla viðarverönd til suðurs.
Eldhúsið er opið við borðstofuna, parketlagt og með virkilega fallegum og vönduðum, ljósum innréttingum. Þar er gott vinnupláss, innbyggður tvöfaldur ísskápur og uppþvottavél ásamt vönduðum heimilistækjum, að mestu frá Miele.
Baðherbergið hefur nýlega verið endurnýjað að öllu leyti. Þar er snyrtileg innrétting með miklu skápaplássi, vegghengt salerni og rúmgóð „walk-in“ sturta með innbyggðum blöndunartækjum. Í sturturýminu er upphitaður bekkur til slökunar, svokallað hammam. Gólfhiti er á baðherberginu.
Gengið er inn í svefnherbergisálmu þar sem er hjónasvíta, tvö svefnherbergi, þvottahús og stórt herbergi sem er skráð sem vinnustofa. Úr því herbergi er útgengt á skjólsælan pall til suðvesturs. Af ganginum er einnig bakinngangur.
Hjónasvítan er einstaklega rúmgóð með fataherbergi og nýlega endurnýjuðu baðherbergi. Gluggar eru í tvær áttir og fastir skenkir eru á einum vegg ásamt innbyggðum hillum. Fataherbergið er með fataskápum á tveimur veggjum. Baðherbergi hjónasvítunnar hefur verið endurnýjað að öllu leyti og er snyrtilegt með vegghengdu salerni, innréttingu, handklæðaofni og sturtu. Gólfhiti er á baðherberginu.
Eldri bílskúr hefur verið endurgerður og honum breytt í tvö ný svefnherbergi. Bæði herbergin eru mjög rúmgóð, annað 14 fm og hitt 13,4 fm.
Vinnustofan er með mörgum gluggum til suðurs, ofanbirtu og útgengi á aðra skjólsæla viðarverönd til suðurs. Auðvelt væri að nýta rýmið sem eitt til tvö svefnherbergi eftir þörfum.
Þvottahúsið er með glugga og hefur nýlega verið endurnýjað. Þar eru góðar innréttingar, vinnuborð og vaskur ásamt flísalögðu gólfi.
Flísalagt hol er í húsinu og býður upp á ýmsa möguleika á nýtingu.
Framkvæmdir og viðhaldBúið er að endurnýja nær allar neysluvatnslagnir í húsinu og ofnalagnir hafa verið yfirfarnar og endurnýjaðar eftir því sem þurfa þótti. Allar frárennslislagnir hafa verið endurnýjaðar með fóðrun. Öll inntök hafa verið endurnýjuð frá götu.
Hitalagnir í innkeyrslu og stétt voru endurnýjaðar fyrir um sjö árum. Nýr bílskúr/geymsla hefur verið byggður og vinnustofa/herbergi hefur verið mikið endurnýjuð, þar með talið suðurhlið þaks.
Heilt yfir er húsið í mjög góðu standi. Gluggar hafa verið endurnýjaðir eða yfirfarnir, sem og þakkantur. Fyrir liggur að endurnýja þarf svalahurð í garðskálanum.
Bílskúr og geymslurNýlegur bílskúr er á lóðinni að framanverðu. Hann er 17 fm að stærð og klæddur með sinkklæðningu. Þar að auki er geymsluskúr á lóðinni.
Lóð og garðurGarðurinn hefur verið tekinn í gegn og nýr pallur settur upp með heitum potti. Pallurinn er úr síberíulerki og er viðhaldslítill. Pallur við norðurhlið hússins, næst götu, var endurnýjaður árið 2025 og er einnig viðhaldslítill.
Lóðin er mjög falleg, ræktuð og gróin, með hellulagðri innkeyrslu og stéttum fyrir framan húsið með hitalögnum undir. Á lóðinni eru tvær skjólsælar verönd, fallegur gróður og tyrfðar flatir. Nýtt, óupphitað garðhýsi hefur einnig verið byggt.
Nánari upplýsingar veita:
Kjartan Hallgeirsson, s:824-9093 eða kjartan@eignamidlun.is
Unnar Kjartansson, s:867-0968 eða unnar@eignamidlun.is ***
Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum.
Eignamiðlun Grensásvegi 11, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.
Heimasíða Eignamiðlunar
Eignamiðlun á Facebook
