Samanburður á
sparnaðarreikningum

Við leggjum upphafsupphæðina inn í byrjun og mánaðarlega sparnaðarupphæð í byrjun hvers mánaðar. Við umreiknum auglýsta ársvexti í virka ársvexti út frá vaxtafærslutíðni reikningsins og notum samsvarandi mánaðarvexti í útreikningnum. Þetta er nálgun á raunverulegri vaxtafærslu.

Sé fjármagnstekjuskattur dreginn frá eru 22% dregin af vöxtum og verðbótum mánaðarlega, svo minna stendur eftir til að ávaxtast. Frítekjumark vaxtatekna er ekki tekið með.

Vaxtafærsla segir til um hversu oft vextir eru færðir á reikninginn. Tíðnin getur haft áhrif á vaxtavexti. Í samanburðinum umreiknum við vextina í samsvarandi mánaðarvexti og reiknum með þeim í hverjum mánuði.

Vildarkjör eru ekki álag sem leggst á alla reikninga, heldur sérreikningar sem eru bundnir stigi hjá bankanum þínum (Stig 1 til 3 og Premía hjá Arion, Klettur til Tinds hjá Íslandsbanka, Vild 2 og Vild 3 hjá Landsbankanum). Þú velur þitt stig undir forsendunum og þá birtast aðeins þau vildarkjör sem þú átt rétt á.

Margir reikningar bera hærri vexti eftir því hversu há innistæðan er. Við sýnum vextina sem gilda fyrir innistæðuna í upphafi, og útreikningurinn fylgir innistæðunni upp þrepin ef hún vex yfir þrepamörk á tímabilinu. Alla þrepatöfluna sérðu þegar þú opnar röðina.

Til þess að verðtryggðir og óverðtryggðir reikningar séu sambærilegir umreiknum við raunvexti í nafnvexti út frá verðbólguforsendunni þinni. Sjálfgefið er nýjasta verðbólgumæling; þú getur breytt henni undir forsendunum. Vextir verðtryggðra reikninga eru sýndir sem nafnvextir að meðtalinni verðbólgu þegar hægt er, annars sem raunvextir.

Reikningar með lengri bindingu eða úttektarfyrirvara en tímabilið sem þú valdir falla sjálfkrafa út úr listanum. Þess vegna fækkar valkostum þegar þú styttir tímabilið.

Vextirnir eru auglýstir vextir bankanna eins og þeir voru síðast staðfestir. Dagsetningin er neðst í töflunni. Vextir eru breytilegir og bankar geta breytt þrepum og skilmálum án fyrirvara.