Samtryggingardeild Frjálsi

Aðild

Aðild að sjóðnum er öllum opin.

Ellilífeyrir

Frjálsa leiðin: 

44% Frjáls séreign - Laus til útgreiðslu frá 60 ára aldri. 

56% Samtrygging - Mánaðarlegur lífeyrir frá 70 ára aldri til æviloka. (Fyrsta lagi 60 ára)

Erfanlega leiðin: 

34% Frjáls séreign laus til útgreiðslu frá 60 ára aldri. 

42% Bundin séreign - laus til mánaðarlegrar útborgunar allt frá 60 ára til að lágmarki 82 ára.

24% Samtrygging - Mánaðarlegur lífeyrir allt frá 82 ára aldri til æviloka.

Örorkulífeyrir

Örorkulífeyrir er greiddur hafi sjóðfélagi greitt í lífeyrissjóð í a.m.k. 2 ár, ekki endilega 2 ár samfleytt og ekki endilega í sama sjóðinn allan tímann. Örorkulífeyrir er greiddur hafi verið um tekjuskerðingu að ræða af völdum orkutaps og ef orkutap er metið 50% eða meira og varir í minnst 6 mánuði. Fyrstu árin er miðað við vanhæfni til þess starfs sem sinnt var við orkutap en eftir það vanhæfni til almennra starfa.

Skilyrði fyrir framreiknuð réttindi: 

Greitt hafi verið í lífeyrissjóð í minnst 3 af síðustu 4 almanaksárum fyrir orkutap. Þar af í minnst 6 mánuði af síðustu 12 mánuðum fyrir orkutap og að greitt hafi verið árlegt lágmarksiðgjald. 

Ekki má rekja orkutap til ofnotkunar áfengis, lyfja eða fíkniefna.

Makalífeyrir

Makalífeyrir er greiddur úr Frjálsa í a.m.k. tvö ár eftir andlát sjóðfélaga. Fjárhæð áunnins makalífeyris er 50% af áunnum ellilífeyrisréttindum sjóðfélaga við andlát, en fjárhæð hækkar ef framreikningsskilyrði eru uppfyllt. Þá eru til viðbótar framreiknuð 50% þeirra réttinda sem áunnist hefðu með því að greiða jafn mikið í lífeyrissjóð til 65 ára og gert var síðustu árin fyrir andlát. Almennt er tekið mið af meðaltekjum 3ja síðustu ára en í undantekningartilfellum síðustu átta ára.

Barnalífeyrir

Barnalífeyrir er greiddur með hverju barni sjóðfélaga til 18 ára.

Barnalífeyrir er föst fjárhæð sem breytist árlega. Fullur barnalífeyrir með hverju barni er 26.295 kr. (2024).