Fasteignasala Sævars Þórs kynnir glæsilega þriggja herbergja 94,9 fm íbúð við Andrésarbrunn 14 í fjögurra hæða fjölbýlishúsi í Grafarholti í Reykjavík. Eignin skiptist í forstofu, stofu, eldhús, 2 svefnherbergi, baðherbergi, þvottahús, geymsla og sérstæði í bílageymslu. Nánari lýsingGengið er inn í íbúðina um flísalagt hol. Þar er einnig góður fataskápur. Þaðan er hægt að ganga inn í þvottaherbergi sem er með snúrum auk aðstöðu fyrir bæði þvottavél og þurrkara en nýtist líka sem geymsla inni í íbúðinni. Úr holinu er einnig gengið inn í opið rými sem er nýtt bæði sem stofa og borðstofa. Íbúðin er parketlögð með vönduðu ljósi parketi en eldhús og  klósett er flísalagt. Úr stofunni er opið inn í eldhús. Eldhúsinnrétting er vönduð HTH-innrétting sem hefur verið vel við haldið og með vönduðum raftækjum. Í íbúðinni eru tvö svefnherbergi sem gengið er inn í úr stofunni. Annað herbergið er nýtt undir skrifstofu. Vandaðir rúmgóðir fataskápar eru í báðum herbergjum. Baðherbergið er vandað með flísum en baðkari var skipt út og sturta sett í staðinn. Settur var varmaskiptir í húsið fyrir neysluvatn. Út frá stofunni eru svalir sem vísa í suður en svalirnar eru með markísu og mjög rúmgóðar. Íbúðin er öll mjög björt og fallega. Íbúðinni fylgir einkastæði í rúmgóðri bílageymslu með einkastæði. Í bílageymslunni er mjög rúmgóð sérgeymsla sem fylgir íbúðinni og er nýtt sem vinnurými í dag. Um er að ræða bjarta og fallega íbúð á efstu hæð á þessum frábæra stað með góðu útsýni í mjög friðsælu hverfi. Íbúðin er mjög nálægt allri þjónstu eins og t.d. skóla. Húsið hefur fengið mjög gott viðhald og var meðal annars skipt um þak á húsinu fyrir ekki svo löngu.