Holtsvegur 45 - 0201, 210 Garðabær

Í fallega hönnuðu fjölbýlishúsi við Holtsveg 45 í Urriðaholtinu í Garðabæ er til sölu glæsileg 110,2 fm 3ja herbergja íbúð á 2. hæð með fallegu útsýni yfir Urriðavatn, Hafnarfjörð og út á Reykjanesið auk þess sem sést til sjávar. Eignin er vel staðsett í hverfinu þar sem örstutt er í bæði leik- og grunnskóla. Sér stæði í bílageymslu, með sér rafhleðslustöð og inn af stæðinu er rúmgóð geymsla. Geymslan nýtist sérstaklega vel í beinni tengingu við bílageymsluna. Allar innréttingar eru í stíl og heildaryfirbragð þeirra og gólfefna mjög gott. Stórir og bjartir gluggar til þriggja átta einkenna íbúðina. Eignin skiptist þannig að íbúðin sjálf er 93,3 fm og geymsla er 16,9 fm, samtals 110,2 fm skv. Þjóðskrá Íslands. Nánari lýsing: Góð forstofa með rúmgóðum skápum. Tvö svefnherbergi eru í íbúðinni, skápar í báðum. Bjart og rúmgott alrými með eldhúsi og stofu og útbyggingu á endagafli, útgengt á yfirbyggðar svalir með viðarklæddu gólfi. Glæsilegt útsýni. Eldhúsið er með viðarinnréttingu, helluborði með háf yfir, ofni í vinnuhæð og innbyggðri uppþvottavél. Falleg eldhúseyja stúkar eldhúsið frá borðstofu. Þvottahús er sér innan íbúðar. Baðherbergi með sturtu, góð viðarinnrétting, flísar á gólfi og veggjum. Gólfefni íbúðarinnar er harðparket nema votrými eru flísalögð. Öll sameign er einstaklega snyrtileg og vel umgengin. Sameiginleg hjóla- og vagnageymsla. Lyfta er í húsinu. Sameiginlegur garður sem útgengt er á beint frá stigapalli íbúðar. Klárað var að mála húsið að utan í júní 2022 en einnig er nýlega búið að mála stigagang hússins.  Bílageymslan er mjög snyrtileg og í henni er hraðhleðslukerfi fyrir öll stæði. Einnig er sameiginleg rafhleðslustöð utanhúss.  Frábær staðsetning þar sem stutt er í alla helstu þjónustu og falleg útivistarsvæði. Íbúðin er laus við kaupsamning. Nánari upplýsingar veitir Aron Freyr Eiríksson löggiltur fasteignasali í s. 772-7376 / Ás fasteignasala er rótgróið fyrirtæki sem hefur veitt alla almenna þjónustu í fasteignaviðskiptum frá árinu 1988.www.facebook.com/asfasteignasalawww.instagram.com/as_fasteignasalawww.as.is