Þessi þrjú orð gætu hljómað kunnuglega. Við hjá Aurbjörgu viljum benda á frábært tækifæri þegar kemur að samspili þeirra þriggja.
Byrjum fyrst á að útskýra þau - í stuttu máli.
Prósentutala % sem lýsir því hversu hátt lánið er miðað við verðmæti eignarinnar. Í stuttu máli er hægt að segja að ef veðhlutfall 50 milljóna króna eignar sé 70%, þá hvílir á henni lán að andvirði 35 milljóna sem er einmitt 70% af 50 milljónum. Þessar 35 milljónir eru kallaðar höfuðstóll lánsins.
Við viljum sjá veðhlutfallið lækka!
Verðmat á virði hússins (eða íbúðarinnar) og lóðarinnar sem það stendur á. Fasteignamat tekur því tillit til stærðar og aldurs hússins, staðsetningar þess og eldri kaupsamninga. Árið 2026 hækkaði meðal fasteignamat á landinu um 9,2%. Það er næstum 5 milljóna króna hækkun á 50 milljóna króna eign milli ára.
Þegar lán er greitt upp með annarri lántöku. Oft er það vegna þess að betri kjör bjóðast á lánamarkaði, lægri vextir eða lægri afborgun.
Þegar við tökum lán við kaup á fasteign og hefjumst handa við að greiða af láninu, þá fer hluti greiðslunnar inn á höfuðstólinn og hitt í að greiða vexti lánsins. Við það lækkar höfuðstóllinn og á sama tíma veðhlutfallið. Þetta er lykilatriðið. Veðhlutfallið þarf að lækka!
Fjármálastofnanir eins og bankar, sparisjóðir og lífeyrissjóðir bjóða þér að endurfjármagna lánin (að gefnum ýmsum skilyrðum) meðan á lánstímanum stendur. Endurfjármögnun hjá fjármálastofnunum miðast ávallt við fasteignamat eignarinnar, og veðhlutfall lánsins ræðst því í raun af fasteignamati hennar.
En það er ekki sama hvað veðhlutfallið er hátt því sumar lánastofnanir bjóða lægri lánakjör fyrir lægra veðhlutfall.
Þegar þetta er skrifað bjóða sumir bankar mismunandi háa vexti á hækkandi veðbilum eins og óverðtryggða vexti fasta til 3 ára upp á 8,2% ef veðbilið er 55%-65%. Ef veðhlutfallið fer yfir 65%, þá eru vextir sama láns 8,35%. Svo hækka vextir þess láns samhliða hærra veðhlutfalli.
Þannig að ef þú ert að lækka í veðhlutfalli því fasteignamatið þitt hækkaði milli ára og þú hefur náð að greiða aðeins inn á lánið þitt, þá gætir þú átt möguleika á að endurfjármagna lánið þitt á betri kjörum og spara þannig vaxtakostnað í hverjum mánuði.
Hvers vegna er þetta mikilvægt?
Lánveitandinn þinn mun ekki láta þig vita af því þegar veðhlutfall eignarinnar þinnar hefur lækkað nógu mikið til að betri lánakjör bjóðist. Þú þarft að fylgjast með því!
Þú getur fengið allar upplýsingar um fasteignamat þinnar eignar inni á 🔗aurbjorg.is og þar er einnig 🔗húsnæðislánareiknivél og 🔗lánskjaravakt sem getur sýnt þér ýmsa góða kosti í stöðunni.
