Aurbjörg.is
Aurbjörg.is
29. janúar 2018

Lækkun vaxta á íbúðalánum

Nú þegar mánuður er liðinn af nýju ári hafa samtals 7 lánveitendur íbúðalána lækkað vexti sína á grunnlánum:

  • LÍVE hefur lækkað verðtryggða vexti
  • LSR hefur lækkað verðtryggða vexti
  • Almenni hefur lækkað verðtryggða vexti
  • Birta hefur lækkað verðtryggða vexti
  • Festa hefur lækkað verðtryggða vexti
  • Gildi hefur lækkað óverðtryggða og verðtryggða breytilega og fasta vexti
  • Lífsverk hefur lækkað óverðtryggða vexti

Skífurit

Lægstu vextir íbúðalána

Því eru lægstu verðtryggðu vextir íbúðalána (m.v. grunnlán) þegar þetta blogg er skrifað (29. janúar 2018):

  1. LÍVE með 2,67% breytilega vexti (jafnar greiðslur er þó ekki í boði)
  2. LSR með 2,69% breytilega vexti
  3. Birta með 2,73% breytilega vexti
En ef krafa er sett um að hafa verðtryggt fastvaxta lán (þ.e. lán sem hefur sömu vexti út lánstímabilið) þá bíður LSR uppá lægstu verðtryggðu vextina eða 3,05%.

Lægstu óverðtryggðu vextirnir (m.v. grunnlán) eru:

  1. Birta með 5,35% breytilega vexti
  2. Frjálsi með 5,44% vexti (fastir vextir í 3 ár í senn)
  3. Brú með 5,53% vexti (fastir vextir í 3 ár)

Að taka íbúðalán hjá lífeyrissjóði

Flestir lífeyrissjóðir setja ákveðin lántökuskilyrði, stundum eru þessi skilyrði þó ekki ýkja ströng, t.d. hjá sumum lífeyrissjóðum þarf aðeins að hafa greitt 1-3 sinnum í sjóðinn. Sumir neytendur hafa gleymt í hvaða lífeyrissjóð þeir hafa greitt (til að mynda þegar þeir hafa verið yngri) en hægt er að skoða það inná Lífeyrisgáttinni. Hægt er að skoða lántöku skilyrði hvers lánveitanda ef ýtt er á að "Skoða" lán í íbúðalána reiknivélinni.

Íbúðalán með breytilegum vöxtum

Þegar hugað er að taka íbúðalán með breytilegum vöxtum, hvort sem um ræður endurfjármögnun eða nýtt lán, þá þarf ekki endilega að vera að sá sem er með lægstu vextina í dag sé ákjósanlegasti kosturinn því vextirnir geta tekið breytingum. Gott getur verið að athuga hvaða lánveitandi er líklegastur að vera að meðaltali með lægstu vextina yfir lengri tíma, t.d. er hægt að skoða þróun vaxta hjá lánveitendum yfir lengra tímabil.

"Líkar þér vefsíðan mín? Gerðu vinum þínum greiða og láttu þá vita svo þeir geta notað vefsíðuna líka!" 🎉