Aurbjörg hlaut á dögunum verðlaun Skýrslutæknifélagsins Íslands (Ský) sem UT-Sprotinn 2021. Verðlaunin voru afhent við hátíðlega athöfn á UT-Messunni. Verðlaunin eru veitt fyrirtækjum sem hafa starfað í 1-6 ár og bjóða lausnir sem vakið hafa athygli.

Við erum virkilega stolt og þakklát fyrir að hafa hlotið verðlaunin UT-Sprotinn 2021. Þetta er okkur í senn mikil viðurkenning og hvatning! Við ætlum okkur stóra hluti í náinni framtíð og ýmsar nýjungar verða kynntar til sögunnar á árinu - við hvetjum því fólk til að fylgjast vel með og þökkum öllum fyrir að nýta sér þjónustu Aurbjargar!  

Þá þökkum við Skýrslutæknifélagi Íslands (Ský) kærlega fyrir, og óskum um leið öðrum verðlaunahöfum til hamingju; Syndis (UT-Verðlaunin), Almannarómur (UT-Stafræna þjónustan 2021) og Alfreð (UT-Fyrirtækið 2021)!

Á myndinni má sjá Jóhannes Eiríksson, framkvæmdastjóra Two Birds og Aurbjargar, taka á móti verðlaununum úr hendi forseta Íslands, Guðna Th. Jóhannessonar.